LG ne Wednesday ko world’s first Android Wear 2.0 smartwatches, LG Watch Style and Watch Sport ko launch kar diya hai. Inn smartwatches ko LG ne Google ke saath collaboration karke banaya hai.
Google ke according LG Watch Sport ab tak ki most powerful Android Wear smartwatch hai. Yeh smartwatch 14.2mm thick hai aur two color variants, Titanium and Dark Blue mein available hogi. Wahi LG Watch Style 10.8mm thick hai aur Titanium, Silver, and Rose Gold colour options mein available hai.
LG Watch Style and Watch Sport Specifications
Dono hi smartwatches mein circular, plastic OLED display diya gya hai. Watch Sport mein 1.38-inch ka display diya gya hai with 480×480 pixels resolution and 348ppi. Jabki Watch Style mein 1.2-inch ka display milta hai with 360×360 pixels resolution and 299ppi.
LG ki inn smartwatches mein 1.1GHz Snapdragon Wear 2100 processor diya gya hai. Watch Sport mein 768MB ki RAM di gyi hai aur Watch Style mein 512MB of RAM. Dono watches mein 4GB ki internal storage milti hai.
Watch Sport mein 430mAh battery hai jabki 240mAh battery di gyi hai Watch Style mein. Saath saath dono smartwatches mein rotatable digital crown diya gya hai jiski help se aap kaafi functions control kar sakte hai.
Yeh smartwatches WiFi and Bluetooth connectivity ke saath aati hai but Watch Sport model mein cellular connectivity (both 3G and LTE), GPS, NFC radios and heart sensor ka support bhi milta hai. NFC radios ki help se aap Android Pay feature ko use kar sakte hai.
LG ki yeh flagship Android Wear 2.0 smartwatches Google Assistant ke support ke saath aati hai aur interaction ke liye inbuilt mic diya gya hai. LG Watch Style mein IP67 rating di gyi hai while Watch Sport IP68 rating ke saath aati hai.
Pricing and Availability
LG Watch Style, jo thode se features ke saath hai uski price $249 USD (roughly Rs. 16,700) se start hoti hai. LG Watch Sport variant ki price $349 USD (roughly Rs. 23,400) rakhi gyi hai. Both smartwatches Friday se US mein available ho jayegi. Google ne kha hai ki upcoming weeks mein yeh smartwatches Canada, Russia, Saudi Arabia, South Africa, South Korea, Taiwan, UAE, and UK mein bhi available ho jayegi.
(via)
Leave a Reply