Lenovo India ne finally confirm kar diya hai ki Lenovo Vibe X3 ko VoLTE ka update nahi milega. Pichle kaafi time se company iss topic par koi bhi jawab nahi de rahi thi. Saath saath company ne Lenovo Z2 Plus ke Android Nougat ke update ko confirm kar diya hai.
VoLTE update for Lenovo Vibe X3
Recently C4ETech (YouTuber) ne apni “Dear Lenovo…?” video ke through Lenovo India se pucha tha ki aap kab smartphones ko update doge. Jawab mein company ne apna scripted reply “Hi, unfortunately, we can’t confirm firmware updates. We will definitely keep our customers updated.” de diya.
But kal evening mein Lenovo India ne officially confirm kar diya hai ki woh Vibe X3 ko VoLTE ka update nahi dene wale hai. Company ka kehna hai ki unka Vibe X3 ke VoLTE update ka koi bhi plan nahi hai.
Hi @C4ETech We are not planning an upgrade to the Vibe X3 to enable VoLTE.
— Lenovo India (@Lenovo_in) March 14, 2017
Last year January mein company ke apna flagship device Lenovo Vibe X3 launch kiya tha. Umeed toh yeh ki ja rahi thi ki Vibe X3 ko Nougat ka update milega but company ne toh VoLTE ka update dene se bhi manna kar diya.
Vibe X3 ke saath launch huye mid range smartphone Lenovo K4 Note ko bhi VoLTE ka update mil chuka hai. Pata nahi kyu Lenovo apne iss flagship smartphone ko update nahi de rha hai!
Android Nougat for Lenovo Z2 Plus
The update for Lenovo Z2 Plus is tentatively scheduled for late-April. 3/n
— Lenovo India (@Lenovo_in) March 14, 2017
Lenovo Z2 Plus a.k.a. Zuk Z2 ko Android Nougat ka update milne wala. Lenovo India ne iss update ko Late April mein schedule kiya hai. Company ka kehna hai ki update par kaam chal raha hai and testing puri hote hi update roll-out kar diya jayega.
For latest and exclusive tech news, follow us on Facebook and Twitter.
Leave a Reply