Lava ne Monday ko 4G VoLTE enabled feature phone, the Lava 4G Connect M1 ko India mein launch kar diya hai. Yeh feature phone aane wale kuch hafto mein India ke retail stores par available ho jayega. Company ke according Lava 4G Connect M1 India ka phela 4G enabled smart feature phone hai. Iss phone mein aapko 4G VoLTE phone calls ka bhi support milta hai.
Lava 4G Connect M1 Specifications
Iss phone mein aapko smartphone jaisi powerful specifications nahi milti hai. Lava 4G Connect M1 mein 1.2GHz quad core processor (unspecified chipset) diya gya hai. Saath saath iss mein 512MB ki RAM aur 4GB ki internal storage milti hai. Battery capacity ki baat karen toh aapko yahan 1750mAh battery di gyi hai. Piche ki taraf VGA camera diya gya hai. Front ki taraf aapko koi bhi camera nahi milta.
Lava ka kehna hai ki iss mein aapko 4G ke saath saath 2G voice calling and EDGE connectivity ka bhi support milta hai. Phone mein Facebook Lite aur other messaging applications preload karke diya gya hai.
Lava 4G Connect M1 Price
Lava 4G Connect M1 ki price Rs. 3,333 rakhi gyi hai. Mere hisab se yeh phone bilkul bhi value for money nahi hai. Recent leaks ke according Reliance Jio jaldi hi apne 4G VoLTE-enabled feature phones ko launch karne wala hai aur inn phones ki price Rs. 999 se lekar Rs. 1500 tak hone wali hai.
(via)
Leave a Reply