Airtel V-Fiber Broadband Service Coming to Mumbai

Airtel ne apni  V-Fiber Superfast Broadband service budhwar ko Mumbai ke liye announce kar diya.

Airtel V-Fiber ki main highlight hai 100 Mbps speed on regular broadband lines yani bina nayi lines daale, purani cooper wires mein ‘noise elimination technology’ also known as Vectorization ko use karke regular lines par aap 100 Mbps ki speed ka mazza le sakte hai.

Agar aap Airtel broadband ke existing customers hai toh aapko monthly rentals ke alava koi bhi additional charges nahi dene hoge. Lekin bhai Airtel Jio thodi na hai ki sab kuch free mein dede. Daya kuch toh gadbad hai!

Aapko V-Fiber ke compatible naya modem kharidna hoga jo 100 Mbps ki speed ko normal lines pe support karta ho. Airtel ne modem ki pricing kya hoyi iss bare mein abhi koi jaankari nahi di lekin idea hai ki price will start from Rs. 899.

Agar aapko V-Fiber pasand nahi aaya toh aap modem vaapis karke modem charges refund karwa sakte hai aur saath mein naye costumers ko 3-month unlimited offer bhi mil rha hai.

Existing customers aur naye customers dono register kar sakte hai V-Fiber service ke liye via airtel official site. Airtel jaldi hi baaki cities mein bhi V-Fiber ko launch karega.